Պլաստիկ և դիմածնոտային վիրաբուժության բաժանմունք

Վլադիմիր Ավագյան բժշկական կենտրոնի պլաստիկ և դիմածնոտային վիրաբուժության բաժանմունքը տրամադրում է բուժման առաջադեմ տարբերակներ և հոգատար, անհատականացված խնամք՝ համապատասխան բուժառուի հատուկ կարիքներին:

Համատեղելով դիմածնոտային և պլաստիկ վիրաբուժության ոլորտները՝ մենք վերականգնում ենք պացիենտի առողջությունը՝ միաժամանակ համոզվելով, որ նա ունի իր ակնկալած արտաքին տեսքը: Սա մեր բաժանմունքի անձնակազմին հնարավորություն է տալիս ապահովելու արդի պլաստիկ և դիմածնոտային վիրաբուժական խնամք՝ շտկելու ցանկացած պացիենտի բնածին կամ ձեռքբերովի խնդիրները:

Ձեզ համար ամենահամապատասխան բուժումը պլանավորելիս մենք էապես կարևորում ենք ձեր կարծիքը, մտահոգություններն ու նպատակները:

Բաժանմունքի դիմածնոտային վիրաբուժության բլոկում իրականացվում են բոլոր տեսակի վիրահատական միջամտությունները, այդ թվում՝ Սեպտոպլաստիկա, Օտոպլաստիկա, Ռինոպլաստիկա և Գենիոպլաստիկա:

Բաժանմունքի պլաստիկ վիրաբուժության բլոկում մենք կենտրոնանում ենք մարմնի ֆունկցիայի և/կամ արտաքին տեսքի բարելավման վրա՝ վերականգնողական կամ կոսմետիկ տեխնոլոգիաների միջոցով։