Կցանկանայինք հակիրճ ներկայացնել կենտրոնի ստեղծման հիմնախնդիրներն ու նախադրյալները:
Ապրելով գիտատեխնիկական նվաճումներով հագեցած 21-րդ դարում, տալով մինչ այժմ անբացատրելի թվացող բազում հարցերի և երևույթների սպառիչ պատասխանը` անհերքելի են նաև բժշկության ոլորտում կատարված ու կատարվող նորարարություններն ու նվաճումները, որոնց շնորհիվ նախկինում անբուժելի թվացող բազում հիվանդություններ այսօր դարձել են ոչ միայն բուժելի, այլ նաև կանխարգելի:
Սակայն սա մի բնագավառ է, որը մշտապես կարիք ունի զարգացման ու նորագույն նվաճումների, քանզի առանց առողջության մարդուն հասու չեն լինի կյանքի մյուս ոլորտները, կբացակայի ձգտումը` նորը ստեղծելու, գեղեցիկն արարելու: Մենք չենք կարող անտեսել այն փաստը, որ մարդկության զարգացումն ի հայտ է բերում նաև իրեն բնորոշ հիվանդություններ, կամ ժամանակի ընթացքում, այսպես ասած, երիտասարդանում են արդեն անցյալում մնացած բազում հիվանդություններ, ուստի ինքս` լինելով բժիշկ, տարիների բովով անցած վիրաբույժ, տեսնելով ինչպես կյանքով լի նորածնի խաղաղ ժպիտը, այնպես էլ մահվան ճիրաններում հայտնված մարդու տառապանքը, իմ համախոհների հետ միասին մեր պարտքը համարեցինք մեր լուման ներդնել աստվածահաճո այս առաքելությանը` հիմնելով ժամանակակից բուժսարքավորումներով հագեցած բժշկական կենտրոն, որտեղ աշխատող յուրաքանչյուր բժիշկ կոչված է պայքարելու առողջությանը սպառնացող ամեն մի չարիքի դեմ` պարգևելով մարդուն առողջություն և կյանքով լի առողջ հոգի:
Վլադիմիր Ավագյանի անվան բժշկական կենտրոն
Վլադիմիր Ավագյանի անվան բժշկական կենտրոն Սպասարկում Է Շուրջօրյա Ռեժիմով
+374 10 56 03 03
Սիրելի այցելունե՛ր,
Վլադիմիր Ավագյանի անվան բժշկական կենտրոնը համաշխարհային կարգի առողջապահություն է իրականացնում շուրջ 20 տարի։ Հիմնադրման պահից մինչ օրս մեզ համար սկզբունքային է բժշկական օգնության որակի շարունակական բարելավմանն ուղղված ջանքեր ներդնելով գերազանցել մեր հաճախորդների ակնկալիքները։
«Ավագյան» կենտրոնի բոլոր բաժանմունքները հագեցած են նոր սերնդի ախտորոշիչ և բուժական սարքավորումներով: Մեզ վստահելով Ձեր առողջությունը դուք կստանաք բժշկական խորհրդատվություն, բարձր ճշգրտության լաբորատոր ու ախտորոշիչ հետազոտություններ և համալիր բժշկական օգնություն։
Ձեր առողջությունը մեր կարևորագույն հաջողությունն է, ուստի կենտրոնը մշտապես շեշտը դնում է բժիշկների մասնագիտական թիմի վերապատրաստումների ու կարողությունների զարգացման, ինչպես նաև վերջին սերնդի սարքավորումների ձեռքբերման վրա։
Որպես ԲԿ-ի գլխավոր տնօրեն, ինձ համար առաջնային է այս գործընթացների որակի վերահսկողությունն ու բարեխիղճ ընթացքը:
Առողջ եղեք։
Բժշկական կենտրոնում աշխատում են պրոֆեսորներ, դոկտորներ, գիտության թեկնածուներ, կատարվում են բազմաթիվ գիտահետազոտական աշխատանքներ։ Մեր բժիշկ-մասնագետները պարբերաբար մասնակցում են վերապատրաստումների և միջազգային գիտաժողովների։
Հետևեք առողջապահական նորություններին, հրապարակված նյութերին և լավագույն մասնագետների խորհուրդներին, եղեք տեղեկացված և բարելավեք ձեր առողջությունն ու կյանքի որակը
Մեր հաջողության բանալին ձեր առողջությունն է
Այստեղ դուք կգտնեք բժշկական կենտրոնի մասնագետների և սարքավորումների, բժշկական ոլորտում նորարարությունների և ձեռքբերումների մասին տեղեկատվություն, ինչպես նաև բժիշկների մասնագիտական խորհուրդներ, որոնք կօգնեն ձեզ լինել ավելի առողջ: